أخبار السودان
منشور رسمي بزيادة تذاكر البصات السفرية
الخرطوم: إقبال العدني
أعلنت غرفه البصات السفريه تطبيق زيادة التذاكر بنسبة (25%) اعتبارا من امس، وكشفت عن تسلمها منشورا رسميا أمسالاول من وزارة النقل بالزيادة، وأكد رئيس غرفة البصات السفرية أحمد علي لـ(الأحداث) تسلمهم منشورا للزيادة، التي سيبدأ تنفيذها اليوم. وكانت غرفة البصات طالبت بزيادة التعريفة التي وصفتها بالضعيفة مقارنة مع ارتفاع تكاليف التشغيل التي اعتبرتها محررة، مما أدى إلى اختلال الميزان وظهور السوق الحرة بجانب عجز عدد من الشركات عن تسيير رحلاتها بنسبة (40%)، وكشف عن تكوين لجنة طارئة لتعديل وإعادة النظر في التعريفة واستيعاب المستجدات بعد أن قررت الزيادة بنسبة (25%) لكافة ولايات السودان.
الاحداث
والله ماتستاهلو زيادة تعريفة يا اصحاب البصات بصاتكم منتهية وخدماتكم صفر احسن ترجوا لينا النيسان.حسبي الله ونعم الوكيل
صباح الخير يابلد .. لا البت لاالولد يمكن يكون خلق من العند . زيادة زيادة زيادة كفاية كفاية كفاية ياوزير السجم كم عربية لكل وزير وكم مستودع خاص لكل جهة خاصة .. وارضاُ سلاح غير متاح
حسبى الله ونعم الوكيل – تانى لا سفر مجاملات ولاسفر لى علم ولاسفر لى والدين ولاسفر فاتحه – حسبى الله ونعم الوكيل
كدا على ماعتقد افضل لسببين
اولا حاتكون في وفره في البصات لانو بالجد الفتره الماضيه عانينا كتير من عدم وجود مواصلات نهائي للخرطوم ومنها مما اطرنا للرجوع والحجز بعد يوم او عدة ايام
ثانيا اصلا الزول كان لو داير يشتري تزكره بقيف في الصف لمن البص يجي ولمن اجي يمرو نفرين تلاته قدامك يقولو التزاكر خلصت عشان تطر وتشتريها سوق اسود بضعف السعر _
الله المستظان
توقعوا زيادة اخري بعد زيادة اسعار المحروقات، و التي ستكون كالتالي: زيادة معلنة في اسعار البنزين، و زيادة غير معلنة لاسعار الجازولين. في الولايات تزيد اسعار المحروفات عن اسعارها في الخرطوم بنسب تتجاوز 25%، فكل ولاية تضع جباية على كل جالون، و كل محلية ايضا تضع جباية اضافية… العائد من الجبايات طبعا يذهب الى جيوب المجاهدين و اصحاب الايدي المتوضئة و كلاب الحراسة و المجعراتية و لا نصيب لاي خدمات!
انتو يا ناس غرفه البصات السفريه لو قلنا مامكشكلة زيدو لكن السؤال انتو لزوم الـ (1500) بتاعت الدخول من الباب دي لزوما شنو – كرهتونا السودان
والله حرام اخير الناس تركب الحافلات هي (29)كتيرة علي البصات الخربانه ومافيها خدمات دي تاني تزيدوها عشان تعملوا شنو.. سفر علي سفر وعدم خدمات احسن نسافر بالحافلات . وياريت لو كل المواطنين إتحدوا وخلو البصات السياحيةوركبوا الحافلات ان متاكده بترجع التزكرة ذي الاول لكن المشكله إنو مافي إتحاد ……
ياجماعة انا جاي السودان بعد يومين…. وروني البص من بحري لعطبرة بقي بكم؟ انا لي سنتين من السودان