حجاج تحت التمرين
ساخر سبيل
حجاج تحت التمرين
الفاتح يوسف جبرا
جاء في الأخبار أن وزارة التوجيه والأوقاف والهيئة العامة للحج والعمرة بولاية الخرطوم قد أقامتا مجسماً لبيت الله الحرام، على الجزء الشرقي من الساحة الخضراء، وذلك بغرض تدريب الحجاج على كيفية أداء مناسك الحج، وأكد مدير هيئة الحج والعمرة بولاية الخرطوم أن الهيئة أقامت المجسم بتكلفة 100 ألف جنيه (يعني مية مليون بالقديم) !
يقينى أنها البداية لإنشاء (المعهد العالي لتدريب الحجاج) فقد إكتشف المسئولون(فجأتن) كما يبدو أن الحاج (السوداني) ضعيف في أداء هذه الشعيرة مما إستدعي تدخل الدولة لعلاج هذا الضعف بجعل التدريب إلزامياً لكل من يود أداء هذه الشعيرة ، فالحج كما نعلم مؤتمر إسلامى يضم كل شعوب العالم لذلك لابد من وجود معهد كهذا حتى لا يذهب لهذا المؤتمر من لا يعرف أداء شعائر الحج ويقوم (يجلط) و(يشرط عينا) !
بالطبع لابد لكل زول (ناوى الحج) أن يقوم بملء أورنيك (تدريب) بالشئ الفلانى ترفق معه صورتان يتم أخذهما بالأستديو الذى إنشئ خصيصاً لذلك ثم يحدد مقدم الطلب (عدد اللفات) التى سوف يقوم بهما حول المجسم حتى يستطيع التدرب ومن ثم النجاح فى الإمتحان النهائي للحصول على رخصة (حاج متدرب) بنجاح !
– أها يا حاج عاوز تلف كم لفة !
– سبعة لفات بس
– يا حاج هسه 7 لفات ديل بتكفيك عشان تتعلم الطواف ؟
– خلاس خليهم عشرة لفات !
– ما بنفع يا حاج .. لازم مضاعفات السبعة يعنى يا 14 يا 21 يا 28 !!
– واللفه بي كم ؟
– بي ملابس أحرام وللا بدون ملابس إحرام
– ليه؟
– لو بدون ملابس أحرام اللفة بي خمسة ألف ولو بي ملابس إحرام اللفة بى ألف واحد بس !
– خلاس دى 14 ألف أدينى 14 لفة بي ملابس إحرام (مواصلاً) وملابس الإحرام دى بي كم؟
– 200 ألف بس يا حاج !
ولأن شعيرة الحج (ما طواف وبس) وحتى يكون التدريب مكتمل الأركان فسوف تقوم إدارة المعهد العالي لتدريب الحجاج باقامة مجسمات لبقية واجبات الحج (لتكتمل المقررات) حيث يتم إنشاء مجسم (لمكة) وآخر لعرفات وثالث لمزدلفة ورابع لمنى حيث (يتمرن) فيه الحاج على كيفية رمي (جمرة العقبة) وأيضاً مجسمين للصفاء والمروة حيث (يتمرن) الحاج علي السعى بينهما ثم التدرب على (رمى الجمرات) !
وإذا علمنا أن (مجسم) الكعبة الشريفة ? موضوع هذا المقال- قد تم بتكلفة 100 مليون جنيه فلابد للمجسمات المكملة (للمشروع) أن تتجاوز المليارات .. وكلو يهون في سبيل أن حاج (المشروع الحضارى) حاج (متدرب) وحائز على شهادة (الأوزو) فى أداء المناسك !
وحتي يصبح الزول (الناوى الحج) لائقاً لممارسة هذه الشعيرة فلابد له الجلوس للأمتحانات العملية التى يجريها المعهد العالي لتدريب الحجاج والنجاح في كل المواد :
– يا جماعة أنا إسمى ما مكتوب مع الناس الناجحين ديل ليه؟
– يا حاج إنتا عندك ملحق في مادة : رمى الجمرات !
– خلاس نمتحنا تااانى
– تمتحنا تانى سااااكت كده ؟
– كيف يعنى؟
– ما لازم تدفع حق (الحصحاص) الح تجدعو ده تاني !
بعد أن تصبح (رخصة حاج متدرب) التى يصدرها (المعهد العالي لتدريب الحجاج) وثيقة هامة وشرطاً من شروط السفر لأداء الحج تثار كثيرا من التساؤلات من بينها سؤال جوهري هو صلاحية سريان هذه الرخصة وهل يمكن أن يحج الحاج بواستطها الشخص أكثر من موسم حج؟
– (موظف الجوازات) : يا حاج رخصتك دى (مفوته) .. أقرأ هنا تاريخ الصلاحية .. بيقول هذه الرخصة صالحة لثلاث مواسم حج فقط .. وإنتا دى الحجة الرابعه ليك
– يا ولدى أنا إتدربتا .. وحجيت تلاته مرات بعد الرخصة .. يعنى عملتا القصة دى (عملي) تلاته مرات .. معقول أغلط فيها !
– لازم تمشى تتدرب تانى .. يا حاج كل شئ وارد .. مش ممكن يكون جاك (زهايمر) ونسيت القصة دى وكده !
نسبة لأن المسئولين حريصين غاية الحرص على أداء المواطنين لهذه الشعيرة خاصة أولئك الذين لا تسمح لهم ظروفهم (التدريب العملي) فقد تم عمل شهادات (إعفاء من أداء التدريب) يتم إستخراجها من مكاتب المجلس العالي لتدريب الحجاج ! (وكل شئ بي تمنو) !
كسرة (1) :
بعد النجاح المنقطع النظير الذى وجده المعهد العالي لتدريب الحجاج (في تجفيف جيوب الحجاج طبعن) … يفاجأ المواطنون بإعلان عن قيام المعهد العالي (الإلزامي) للتدريب علي النطق بالشهادتين !
كسرة (2) :
(240) ألف تلميذ في ولاية الخرطوم لا يجدون وجبة إفطار .. (هسه زي المجسم دا يقولو عليهو شنو).
ياسلام – حاج بشهادة
ممكن سؤال : المعهد العالي دي يحرموا ليهو من وين ؟
ما محتاجين لمدربين متخصصين في الحج وأعمال الحج ؟ ولا الشغلة للجماعة إياهم ؟
يا أستاذ بس ياريت يكون رمى الجمرات فى القصر الجمهورى
يا جبرة / ده كلو كوم وكيفية التعامل مع ماء زمزم كوم براهو
اها دى بيعملو ليها كيف يعنى ممكن يحفرو بير والله كيف
يا رائع
يا الزول الكان سمح: ناس المؤتمر الوطني ديل (أسياد المعهد) ديل من المغفور لهم .. حج شنو ؟؟!!
أستاذ جبرا
و ( طبعن ) يستثنى من تلك الرسوم حاملى بطاقة الإنتساب للمؤتمر الوطنى!!!
موش كدا؟؟
اخى جبره حقوا الكيزان يشرعوا فى عمل ( المعهد العالى للصبر على الجوع ) للشعب الفضل لاننا فى اشد الحوجة اليه فى هذه الايام ، فحتى يضمنوا استمرار حكمهم البائس عليهم بالاستعجال لانشاءه لان الشعب بدأ يفقد صبره على الجوع بعد اكثر من عقدين من الزمان
يعني بالله هسه ندخل في الإسلام من جديد ولا شنو يا جبرا ؟:mad: 😡 😡 😡 😡
( ) :lool: 😉 :lool: هل المغتربين داخلين في شروط التدريب وهل الشهادة العربية معترف بيها وكم النسبة :lool:
يا استاذ جبرا اديك العافية وتسلم من كل بلاء بس عندى رجاء خاص ما تقترح اى مقترح فيه قروش لانو وزى ما عارفة الجماعة ديل يحبون المال حبا جما فمافى داعى تفتح بصيرتهم لى طلب عايزاك تخطف كراعك وتمشى تقابل رئيس واعضاء هيئة علماء السودان ومجلس الافتاء لمعرفة راى الشرع فى بدعة وزارة التوجية والاوقاف فى المجسمات ولبس الاحرام والتلبية والطواف حول مجسمهم المزعوم حتى حمامات منى تم التدريب عليها وبرضو تزعلوا من سخرية العرب مننا بلاهى فى عبط اكتر من كدا;( ;( ;( 😮 😮 😮 :confused: :confused: :confused:
(هسه زي المجسم دا يقولو عليهو شنو).
( ) 😀 المجسم ده حركة كدا تشغل الناس شوية ياخدو اسبوع يفكروا فيه ويدور حوله الحديث في المجتمع وينسو بيهو الحروب الدائرة والدولار المرتفع وطرد الوالي لمواطن الريف ولي غلاء اللحمه .
مكاء وتصديه حول مجسم الحرم وبدل لبيك اللهم لبيك
ح يقولوا هي لله هي لله الحجة دي لله واي زول ماحج يجي يحج ( حجاج الداخل) او حجاج ( محليين) وكله بي حقه و( الساحة الخضراء ) باقي مسميات القذافي الوافده لينا منه ح تبقى ( الساحة الطاهره )
وبعد ينتهي تدريب الكبار ح يتحول لتدريب ( الطلبة ) بقية السنة واي مدرسة تجي ( تحج بي طلبتها) وياتو من كل فج عميق وكل شئ بي حقه طبعا مافي حج ملح
عشنا وشفنا غلبهم اللي بسووه
انا بقترح عرسان الزواج الجماعى نقوم نعمل ليهم تدريب عملى على ليلة الدخلة علشان ما يمشوا يشرطو عينا ويكون في صاله عامة فيها سرير دبل وقرمصيص ودلكه …….. الخ . ونكون كدا مع التثقيف للحج فى تثقيف لمناسك النكاح وبعد تسعة شهور فى صالة اخرى نعمل تثقيف للولادة والحمل ونجيب دايات ىاناس عووووووووووووووووووووووووووووووووووووووووووووووووووك . يااخوانا احتراما لعقولنا ورفقا بنا اذا لم تستحوا من التنقيب عن اكل مال الحرام فاصنعوا ماشئتم المجسم بمائة الف جنية جيبوا سراير الدبل وملحقات العرس والولادة بخمسمائة مليون جنية
ياخي ما يرمو الشيطان الكبير الجاب لينا البلاوي دي كلها .
هذا زمانك يامهازل فامرحي ،،،، قلت لي موضوع رجم الشيطان ده حلوه كيف ؟؟؟؟
يعنى الواحد لو سمع لبيك اللهم لبيك فى مواصلات مايو .. او المعمورة …اركويت يعرف انو ديل بتوع التدريب ….
احسن حاجة انو رجم الشيطان مافيهو مشكلة اى مسؤل فى الحكوومة او كوز خلى الجماعة يرجمو طوالى فلهم من التواب اطثر من اخطاء الطيزان فى حق الشعب الفضل
عيب والله عيب كبير استحوا وخافوا الله يا حكومة لقد ضللتم الطريق وحار بكم الدليل ارحلووووووووووووووووووووووووو كفاية مهازل:mad: 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡
اها يااستاذ جبره .ما قلت لينا الحجاج ديل بذبحو الهدى بتاعهم متين ؟
انا اقترح ان ترمى الجمرة الاولى فى المنشية والثانية فى القصر الجمهورى اما الجمرة الثالثة فاقترح ان ترمى بنافع او صلاح قوش ونكون رجمنا كل شياطبن البلد …
اما امواتنا فاقترح عمل بقسع لهم بالقرب من مطار الخرطوم القديم او مكانة ان يدفن فيه كل ضحايا ا الانقاذ
جاء في الأخبار أن وزارة التوجيه والأوقاف والهيئة العامة للحج والعمرة بولاية الخرطوم قد أقامتا مجسماً لبيت الله الحرام، على الجزء الشرقي من الساحة الخضراء، وذلك بغرض تدريب الحجاج على كيفية أداء مناسك الحج، وأكد مدير هيئة الحج والعمرة بولاية الخرطوم أن الهيئة أقامت المجسم بتكلفة 100 ألف جنيه (يعني مية مليون بالقديم) !
(240) ألف تلميذ في ولاية الخرطوم لا يجدون وجبة إفطار .. (هسه زي المجسم دا يقولو عليهو شنو).
احيييييييييييييييييييييييييييييييييييييييييييي
الكلمة أعلاه وأنا عاضى أصبعى لمن وصلت العضم !!!!!!!!
يااااااااااااااااااااااااااااااااااااااااااااااااااااااااااااااااااااااارب ياااااااااااااااااااااااااااااااااااااااارب الحقنااااااااااااااااااااااااااااااااااااااااااااااا
يا جبره كلامك الدشيتو ده كله ما سمعناك جيبت سيرة (الاستيكر) ولا الغرامات حال إيقافك فى باب المظار او الميناء الدولى ببورتسودان وسؤالك عن (الرخصة) والتى ربما نسيتها فى البيت لاى سبب من الاسباب ، وكما تعلم ان الدولة معنية (بالنكتوت) ولا تلقى بالا لصلاحية الحاج ولا مهارة فى أداءه للمناسك المهم (أدفع) وربك يهون !! والاهم من ده كلو الا توجد حاجه (مظلله) يعنى منقبة ؟ لم تذكر قيمة المخالفة (للمظللات) ولا سيما أن شئون الحج سوف تكون معنية بتحصيل الرسوم المقررة للتظليل 00وكما تعلم ان المعتمد لدى سلطات شئون الحج حتى الان هو ان تكون الحاجة (محجبة فقط) ولحين إشعار آخر وأى وضع آخر تعد مخالفة كما اسلفة 00طيب لم تذكر لنا إذا كان الحاج أثناء الطواف التجريبى (حيلف ام فكو ) ولا لابس حاجة بتحت وطبعا كل حالة حتكون بتمنا (أى رسومها المقررة) وبناءا عليه فمقالتك حازة على صفر من عشره وعليه قررنا الزامك بإعادة المقالة وغرامة ماليه تودع فى خزينة (الحجاج تحت التمرين) ومقرها الساحة الخضراء00والله ولى الصابرين0
يا ابو الشوش والله فكرتك المعية جدا 00كم باص سياحى يتوجه صوب القصر بعد أداء أهم المناسك محملة بحجاج ومعهم راجمات وصواريخ مضاده وقنابل فسفوريه وعنقودية ويدكوا القصر دكا 00دكا ويحيلوا ليلهم الى نهار بشرط أن لا يغادر منهم احدا00ثم يأتوا بجرافات لنزح الانقاض بما فيه صوب النيل حتى يشهد اولاد بمبا أن ثورتنا يمكن ان يقودها مجرد حججاج تحت التمرين!!0
دى ما المشكلة المشكلة انو يعتمدوهو حج توفيرا للعملة الصعبة لانها فعلا صعبة وتوفيرا لحاجات كتيرة حاميانى
بعد ان افلست الخزينة العامة – بفعل اصحاب الايدي المتوضئة ، قرر اصحاب الايدي المتوضئة زيادة دخلهم لتعويض النقص، و بعد ان وصلت كل انواع الجبايات مداها مما قاد الى الضائقة المعيشية الحالية، فكر ابالسة النظام في محاكاة ابرهة … مزيدا من الاستثمارات للجماعة ستتبع "كعبتهم" مثل خدمات الكافتريات و البارد " للحجيج" و ربما " نزل" لحجاج الاقاليم …
بالله اتخيل لو كان الجماعة بتوع الايدي المتوضئة ديل مسئولين عن المناسك المقدسة و تخيل حجم الجبايات من رسوم دخول الحرم و رسوم الصلاة و المواصلات و رسوم على رمي الجمرات و ايجار الاقامة بمنى و مزدلفة و جباية التواجد بعرفات و رسوم زيارة الحرم المدني …و لا تسل عن رسوم القدوم و المغادرة من المطارات و الميناء… تخيل عدد الفلل الفارهة التي سيشتريها الجماعة في شاطئ النخيل في دبي و في منجعات ماليزيا بعد موسم حج واحد!
و كله لله
الفات الفات وفي ايدنو
سبعه لفات في ايدنو
والحاج وقع في البئر
والمعهد ضرب الفلوس
والحجاج شاربين المقلب
ياود الكباشى معاك بنشوف كثير ودىوالله مابيفكر فيها غير كباشى ويهودى وكوز
ياريت يكون هناك دراسات عليا من ماجستير و دكتوراة
ماجستير رمي جمرات
دكتوراة في السعي
و كله بتمنه !!!!
بالغت يا جبرة
ها ها ده كلو كلوم اها زيارة قبر المصطفي دي كيف
ان شاء الله يدفنوك يالبشير ونتمرن في قبرك
اتقوا الله يا هؤلاء اذا عايزين تنتقدوا الفكرة انتقدوا بموضوعية دون المساس
والاستهتار بهذا الرك العظيم من الاسلام.بالمناسبة لا انتمي لاي حزب ولكن سائني
الاستهتار بالدين ..استغفروا الله ..
الطامة الكبرى البروفيسر الكان بدرب الجاج والله تقول عمرو ما حجة بس في أشياء لا بد من تصحيحها يعني مافي حاجة إسمها خط لبداية الطواف وليه يدعي إن في سراميك مختلف عن الآخر وليه ييقول الضوء الأخضر عند باب الملك فهد يا إخوتي الكرام حجاج بيت الله الحرام الخط بتاع الطواف ده كان قبل خمسة سنوات وشالوه علشان بعمل زحمة والضوء الأخضر عند باب الصفا هذا ما حبيت توضيحه.
أنت يا جبرا هسي لو نحن طلعنا مظاهرات وبالصدفة كانت في نفس يوم ( رمي الجمرات )
اها قولي كييييف شبيحة النظام تفرق بيننا وبين (الحجاج تحت التمرين )المساكين ديل !!!
:confused: :confused: :confused: :rolleyes:
موضوع هزلى اكثر من اللازم كنت اتمنى من الاخ الفاتح ان يوجه نقد جاد وحازم لمدير الحج والعمره لانو موضوع نموزج الكعبه وبتكلفة 100 مليون بلجد يغيظ . . . اخ الفاتح ليس كل المواضيع تحتاج لهزليه فى النقد
استاذ الفاتح
بتجيب الكلام دة من وين ( الله يجازى محنك ) زى مابقول الدكتور البونى ،
لكن الناس ديل ماغريبة عليهم اذا كان الصلاة بقت بالقروش ( رسوم الحمامات ) وكيس الصائم وتعظيم شعيرة الزكاة كلها رسوم على العبادات ( المجانية ) اما الحج فحدث ولاحرج هناك رسوم خدمة الزامية على الحاج ( مئتين وخمسين جنيه ) اى والله مئتين وخمسين الف بالقديم
اتقوا الله ايها المسئولين وخففوا العبادات ( اقصد خففوا الجبايات على العبادات )
يعن بكل صراحة الولة تطلع من موضوع العبادات تماما وتترك تنظيمها للمجتمع ففرضية العبادات فردية وليست على الدولة
حجاج ( ناس ) الحاج يوسف يحرموا من كوبر .. وحجاج ( ناس) أمدرمان من الطابية … وحجاج ( ناس ) جبل أولياء من لفة الكلاكلة.
طبعاً قطع البحر لازم وشرط أساسي … علشان كده يقطعوا بيهم النيل الأزرق جهة بحري ويرجعوهم … يا جماعة أنا ماشي أفتح لي محلات كبسة ( برياني وبخاري) بالقرب من هذا المجسم.
الله يجازى محنك يا استاذ والله ابدعت
ناس المؤتمر الوطنى ديل لو عايزين يطلعوا قروش من خشم الحوت بعرفوا يطلعوها الفساد شعارهم ونهب الغلابة مبدهم
الله يكون فى عون المواطنين الغلابة
اللهم اجعل كيدهم فى نحرهم
انا عارف ليه ما نشرتوا تعليقي, لأني قلت مستشار تنفيس ودي أنا جبتها من عندي , برضو كتبها جبره قبل كده
غريبه الناس في المبارا ه ما بشيلوا فيها رسوم يشيلوا في التمرين , والله صحيح يهود
استاذ الفاتح سلامات
والله انا عندما ادخل الى هذه الصحيفه اول ما ابحث عنه فيها هو كتاباتك الجميله التى هى واقعية وللاسف
يعنى بعد فتره ممكن نتوقع مجسم للمملكة العربيه السعوديه المداخل والمخارج ما الى ذلك يا سيدى ربنا يسهل واعجبنى صاحبك الحجا تلاته مرات وبطاقتو فوتت والاظرف الطواف بالبس وبدون
الحج طبعا مرة في السنة وعشان الدخل يزيد يعني سميه المعهد التطبيقي لتدريب الحجاج و المعتمرين و الزوار "لزيارة المدينة المنورة"
يعني عادي ممكن تكون ماشي جنب الاستاد تلقي ليك واحد ماشي ومكتوب في ضهرو ( احترس امامك حاج تحت التمرين ) الله قادر …
عووك ياجبرا الحقنا
اخر خبر
التدريب عملو الزامى ماللحاج وبس
ولوعايز قطعة ارض اوعايز تسافر اوتقدم لي وظيفه وله للجامعه لازم تجيب خلو طرف من هيئة الحج
انا اقترح ان تتوقف من هذة الكتابات التى تعتبرها ساخرة لكن هولا الكيزان يستخدمو هذة الافكار وتطبق فى الواقع فاللة يرضى عليك لا تكتب افكار تانى لاننا ما ناقصين
والله يكون الجماعه ديل دايرين يحولوا الحج ده من السعوديه للسودان وشيخم افتى بزلك البعيد شنو:eek:
ههههههههههههههههههههههههه
بعد القروش والتدريب والملاحق يمكن ربنا مايقبل الحجة دي ( في هذه اللحظة الضحك شرطنا ) يعني موتة وخراب ديااااااااااااااااااااار
هههههههههههههههه ÷:D 😉
شدة ما عندهم قروش عملو كعبة الناس يدربو عليها الله يكون في العون:lool: