الخرطوم: مقربون من الحكم يشنون حملة ضد توقيع اتفاق مع جنوب السودان
الخرطوم – النور أحمد النور
اتفقت الخرطوم وجوبا على زيارة هي الأولى منذ الانفصال العام الماضي للرئيس السوداني عمر البشير إلى جنوب السودان، بعد توقيع اتفاق في شأن المواطنة واستكمال ترسيم حدودهما قوبل بحملة مناهضة من جماعات قريبة من «المؤتمر الوطني» الحاكم في الخرطوم ومحسوبين على الحزب.
واتهم نائب الرئيس الحاج آدم يوسف «خبراء أميركيين واسرائيليين في جنوب السودان» بدعم جماعات متمردة للعمل ضد حكومته. وتوعد أعداء بلاده بـ «حرب شرسة وهزيمة مريرة». وواجه الاتفاق الإطار الذي وقّعه رئيسا وفدي السودان ادريس عبدالقادر وجنوب السودان باقان اموم ليل الثلثاء في أديس ابابا بحملة انتقادات من «حزب السلام العادل» الذي يتزعمه خال الرئيس وزير الدولة للإعلام السابق الطيب مصطفى، واعتبره «تنازلاً مهيناً»، وطالب بالتراجع عنه.
وقال رئيس تحرير صحيفة الحزب الصادق الرزيقي إن الاتفاق «تشتم منه رائحة اميركية نتنة ولن يكتب له النجاح ولا يساوي ثمن الحبر الذي كتب به ولن يكتب له النجاح لأن فيه تفريطاً في حقوقنا»، فيما رأى الكاتب الأبزر المدافع عن الحزب الحاكم اسحق فضل الله أن نص الاتفاق على لقاء يجمع البشير مع نظيره الجنوبي سلفاكير ميارديت في جوبا «سيواجه بغضبة شعبية».
وحمل في شدة على فريق السودان المفاوض، ودعا إلى «تحويلهم الى مخيم للجيش حتى يلبسوا الزي العسكري ويدفع بهم الى المواجهات العسكرية الجارية في ولايتي جنوب كردفان والنيل الازرق». وكان حزب الطيب مصطفى قاد حملة لفصل جنوب السودان، وطالب بطرد الجنوبيين من الشمال وغزو جوبا عاصمة الدولة الوليدة عسكرياً لإطاحة نظام سلفاكير.
وقاد أيضاً حملة مماثلة في مواجهة اتفاق اطار وقعته «الحركة الشعبية – الشمال» مع «المؤتمر الوطني» الحاكم في شأن منطقتي جنوب كردفان والنيل الازرق. يذكر أن البشير رفض الاتفاق رغم أن من وقّعه هو نائبه في الحزب نافع علي نافع، قبل ان تندلع الحرب في المنطقتين. ومن المقرر أن يكون الحزب الانفصالي أعلن خلال مؤتمر صحافي ليل أمس حملة لمناهضة الاتفاق الجديد.
ويعتقد على نطاق واسع في الخرطوم ان حزب «منبر السلام العادل» الذي تنتمي غالبية قياداته الى الحزب الحاكم تحركه جهات متنفذة في السلطة وتوظفه في تبني مواقف تحقق أجندتها السياسية من دون أن تتحمل تبعات أفعاله.
ودافع رئيس فريق السودان المفاوض وزير الدولة لشؤون الرئاسة إدريس عبدالقادر عن اتفاق اديس ابابا. وقال في مؤتمر صحافي عقب عودته من مقر المفاوضات فجر أمس إن البشير وسلفاكير سيلتقيان في جوبا «لأن القمة الاولى التي اعقبت انفصال الجنوب كانت في الخرطوم»، معرباً عن أمله في أن يتمكنا من تسوية القضايا العالقة، خصوصاً المرتبطة بالنفط.
دار الحياة
عندما يكتب الخال الرئاسي ويسب فى الحكومة والشعب يقابل بارتياح ونشوة حكومية أما الصحف الاخرى حتى ولو من باب الاشارة اذا كتبت فى الشأن العام تغلق وتصادر الأعداد بعد طباعتها بواسطة الأمن ولا أدري ما دخل الأمن في الصحف فهنالك جهة مهنية معنية بالأمر غايتو شغلهم كله خيار وفقوس وأبقوا على عشره بعد كده ..
منذ الاستقلال وحتى تاريخه ليس هناك اتفاقية وقعتها حكومات السودان المتعاقبة نيابة عن الشعب كانت فيها مصلحة للشعب على سبيل المثال وليس الحصر اتفاقية السد العالي التي اغرقت حلفا…. واتفاقية نيفاشا التي قسمت السودان…. وهذه الاتفاقية التي منحت الجنوبين حق في الشمال رغم تصويتهم بنسبة 99.99% على الانفصال….. وغيرها كثير … لذا لا اتفاقية باسم السودان توقع من غير استفتاء الشعب لصوص وجهلة يوقعون اتفاقيات تهضم حقوق الشعب لا والف لا لن نسمح بذلك وسنقدمهم للمحاكمات.
حى ووووووب يا المفتن النتن الطيب مصطفى اه جماعتكم قالو الرووووووب, ومضو على موضوع الجنسية والحدود وقريبا تشوف ابيى فى الباي باي, ود اختك ده ما زول حاره وقلنا ليكم والله ناس كمرد باقان ديل والله يلعبو بيكم ذى تنس الريشه, وهسه شوفو جنس الانبطاح والانبراش والاسهال ده ماكان من اول وبدون مزايدة, بس ود اختك مشى للقطريين وادوه راسو, والجماعة شافو الضغط بتاع اولاد اليانكى ماشى فى الزيادة وبت الخال رايس قلعت ليك عيونها وحمرتهم للجماعة, والدولار ماشى فى الزيادة, وناس الجبهة الثورية لاعبين ضاغط شديد وكمان رمو ليهم طيارة, ما قلنا ليكم جوبا دى ما بتقدرو ليها دى الولاية رقم 54 فى امريكا, وشوفتو الوفود الجو جبال النوبة لزوم دق الطار وحرق الشمار, اولا بدوها بكمرد سنيتور وولف والنتجة كانت مشروع قانون سلام ومحاسبة السودان الخلى الجماعة جقلبو جنس جقلب, وبعدو جاء موكاش كابيلا عشان يجبو زول شخصية عالمية وهو كان مسوؤل الشوؤن الانسانية فى دافور وختموها بواحد من المشاهير جورج كلونى وواحد من المنظمات بنرادقاسات وكده الطبخة سبكة وما باقى الا الملح وهو انتوعارفنو شنو ديل ناس المارينز. عشان كده الجماعة انبطحو وانبرشو وااااطه
Eventually and after knocking the Sudan and the sources of the Sudan they are comming to the right way and save the rest of the sources of the country.
حرب طواحين الهواء وجعجعة بلا طحين لن تحاربو ا الامريكان…. كيف لعميل امريكي ان يحارب اسياده الامريكان …طول عمركم منبطحين ومستفيدين….يا بتاع فقه المصلحة..و فقه التدليس في تفليس طبلة ابليس ……!!!!!!!!
غير مقبول من الحكام في الخرطوم التفريط في حق الشعب السوداني وايضاً غير مقبول توجه الي مواجه عسكريه مرة اخره يكفي السودان والسودانين الموت والدمار ، وليذهبو تجار الحروب الي الجحيم وايضاً تفريط في حق السودانين غير مقبول وكفا للحزب الحاكم ان فرط في وحده السودان ولايذهب بالسودان الي منحن اخره للاحتفاظ بكراسيهم في حكم السودان .
لئن لم تغلق صحيفة الانتباهة وتكمم أفواه كتابها فسوف يتشرزم السودان ويلحق امات طه , ويمكن يلحق طه ذاتو
حقو الجنوبيين كلهم حكومةً وشعباً يجوا يقعدوا في الشمال ويؤجروا دولة الجنوب لاسرائيل وامريكا ( دولة مفروشة ) على وزن شقق مفروشة وقروش الايجار للجنوبيين فقط . ونقعد نقول حي وووووب زي ود النوبة.
يكفى ماجنيناه من نيفاشاتحت بندالوصاية الامريكية ووصاية الانقاذ الداخلية..
لا للحريات الاربع ما لم تحل ( كل ) المشاكل العالقة خاصة ابيى والمناطق الاربع المتنازع عليها
ثم الاستفتاء فى الشمال قبل توقيع اى اتفاقية تمس الصالح العام
وليذهب البترول الى الجحيم(وما ضاقت الا لفرج باذن الله)
اها ياالخضر0000 باقان قال ليك نحن شلنا الدولارات ورسلنا ليك الوليدات ؟؟؟؟؟؟؟
يا جماعة الخير اقعدوا فى الواطة..السلام اولا وفك الارتباط فى ابيى والحدود.. ورفاهية التنقل والتملك بعد ان نصبح اصحاب دون ضغائن..وكفاية ورطة نيفاشا وسموم منبر السلام..
طيب لية ما سمعنا الضجة دى عن حلايب و الفشقة مع ان هذة المناطق محتلة من دول اجنبية و رعايها يتمتعون بحقوق تفوق حقوق المواطن السودانى ؟؟ يا الخال العنصرى المعفن الجنونبين فى النهاية سودانين و تجمعنا معهم روتبط مشتركة لاننا مهما اختلفا كلنا سودانين فى الشمال و الجنوب و تجمعنا كلمة (السودان) و لو غادر الكيزان السلطة الجنوب حا يرجع للحضن الوطن الكبير يعنى باختصار انتو سبب كل المشاكل و بساستكم الخربة دى حانفقد جزء اخر من الوطن الجريح
لا يعقل ان تكون هناك حرية تنقل بين بلدين ونيران الحرب مشتعلة فى ابيى وغيرها..
لاول مرة اتفق مع الخال الرئاسى فى شىء ، اختار الجنوبيون الانفصال و هذا حقهم و لكن لا ارى معنى فى منحهم المزيد على حسابنا فى الشمال حتى يضمن المؤتمر الوطنى بقائه فى السلطة ، لهم منا حسن الجوار و تبادل المنافع المشتركة واذا ارادوا ان يتوجهوا ببترولهم نحو كينيا او غيرها فهذا حقهم ايضا ولكن قيادتهم يجب ان يراعوا الفائدة الاقتصادية و يتجنبوا العواطف فى اتخاذ القرارات المصيرية . المؤتمر الوطنى هدفه البقاء فى السلطة و سوف يوقع اتفاق يفرط فيه على حقوقناو يمكن ان يتنازل عن اى شىء من اجلها
الماعاجبو الاتفاق يشرب من البلاعه ,, ياكيزان يا سبب البلاوى الجنوبيين هم أسياد البلد الحقيقين , مش المندوكورو عديمى الاصل , لاالعرب فى الخليج قبلانيين بيكم وإنتو قابلين بإخوانكم الجنوبيين ,, والله حتى المصريين ما شغالين بيكم ,أحسن ترجعوا لاصولكم الافريقيه وتبطلوا العنجهيه الفارغه , والدغمسه والجغمسه بتاعتكم دى يارقاصيين , وكلنا إخوان وييي بيلادنا وكولنا إكوان , كيتا فى خال البشير العنصرى المابخاف من ربه
ده كلام للأستهلاك المحلى عملية تقوية المفاوض الحكومى الضعيف نعتبر هذه تأيد للموقف الحكومى حتى يبين أنه غير راغب فى التفاوض وهم لاحسين خلف الجنوب والمفاوضات . ما الذى يترك البشير يذهب للجنوب وماذا يقول للجنوبين هل نحن موافقين على تبعية أبييى للجنوب وموافقين أيضا 69 سنت لتصدير البترول عبر أنبوب الشمال والبشير لايملك شيىء فى جعبته ليقول للجنوبين . وهل بالمنطق والمعقول هذه الاتفاقيات يتم قبل فصل الجنوب أم بعد فصله وأصبح دولة مستقلة ذات سيادة ومعترف بها من كل دول العالم والان الجنوب ما فى موقف ضعف أو مطرا ليتفاوض مع الشمال بمزاج الشمال. والدور إنتهى مجرد الفصل بقى الجرى واللحس لحكومة الشمال لا للجنوب
والشيىء المستغرب كيف تسجل حزب بأسم منبر السلام العادل وهل السودان أصبحت ضيعة لكل عنصرى حقير لايؤمن بتعدد إثنيات الشعب لدولة السودان أن يكون له حزب عنصرى بغيض ليقوم بتجير الشعب السودانى الحر بتبعية دولة مصر بمخطط مثلث حمدى وما شابه والسعى لتفكيك الكيان السودانى العريق بكيانات جديدة تأتى من مصر وفلسطين وسوريا كل ذلك بأسم الدين والعروبة بمنبر السلام الهالك للتفتيت هذا الرجل يجب وقفه عند حده ويعرف قدر نفسه والحالة هذه ظاهرة إنشاء الله موقتة بذهاب السفاك بن أخته البشير الى الجيم كما ذهب نظيره النميرى مع الاتحاد الاشتراكى ونظام أمنه بعداك لامنبر السلام لا الطيب مصطفى ودولة السودان للسودانين لا للأجانب أو خدم ومنفذى أوامر الاسياد بالعمالة والخيانة ..
يا أخوانا كتبنا ونكتب في كل المواقع ان معاداة اتفاقية الحريات الأرع مع الجنوبيين هو موقف عنصري كريه لا ينظر لمصلحة الشعبين ولا يهتم بها، دخل في وهم بعض الشماليين ان أي خطوة تنازل لصالح الجنوبيين حتى لو قابلتها خطوة مماثلة من طرفهم معناها ضعف واهدار للكرامة، نحن تنازلنا في اتفاق حريات أربع للمصريين ولم نستفد منه شيء ونحن في موقف ضعيف ومتخاذل أمام الحكومة المصرية وفرطنا لها حتى في أرضنا، الجنوب دولة مستقلة ذات سيادة تحدنا معها أطول حدود للسودان ونتقاسم معها جزء من مياه النيل هذا اذا لم نرغب في النظر الى التاريخ الطويل المشترك وعلاقة الدم والأخوة. لا يجب افتراض أن العلاقة معها يجب أن يكون فيها طرف (أقوى) من الآخر أو أكثر تمدناً وتطوراً فالسودان وقع اتفاقيات مع بلدان كثيرة يعتبر بالنسبة لها يعيش في العصر الحجري.
ياجماعة البشير في سبيل الحفاظ على السلطة مستعد يبيع امو خليك من حلايب والفشقة وابيي والحريات الاربعة او حتى العشرة ياخ داالرئيس الوحيد الماعندو ذرة كرامة ياخ دا مرمط سمعتنا وكرامتنا الناس اكلت وشنا شايل قرعتو يتسول من دولة لي دولة مايهمو من البطردو لي البنهرو لي البمنعو يعبر اجواء دولتو لي البتهرب عن مقابلتو ماعرفنا دة رئيس ولامرمطون ياخ ارحمنا وارحم نفسك من الذل والمهانة دي ياخ منعول ابو السلطة لو كان ده تمنا
زى وزيك وزى البشير …. كلنا بنحب هذا الوطن … واعتقد بأن التفاوض والتوصل لنتائج والبعد عن التوترات والحرب ليس فيه خاسر وفائز
على الاقل اتفاقيات ظي دي مفروض يعرضوها على الشعب ويكون في تصويت عليها
ويستفيدوا من الاخطاء السابقة كي لا نندم حيث لا ينفع الندم
وعلى الاقل يكون في ضمان على تنفيذ الاتفاق بطريقته الصحيحة وتجاربنا مع الجنوب تكفي انهم طلعوا اذكياء ويجيدون التملص والتهرب من التطبيق ونحن الاغبياء نجري وراءهم ونحقق لهم احلامهم وان كانت انفصال الجنوب الذي لم يتعافي من السودان الى الان
يا جماعة والله انا ما فاهم حاجه ولكن بفهمى البسيط انو هناك احزاب حاكمة فى دول لا تستطيع البقاء فى الحكم ولا يستقر بها الحال الا فى ظل الحروب فان خرجت من حرب دخلت فى حرب اخرى وهذه الحروب يحركها داخل هذه الاحزاب تجار الحرب وسماسرتها فهى كالضفاضع والطحالب والكائنات التى لا تعيش الا على المياه الغزرة …والله كل هذه الاتفاقات جلبت نتيجة للحروب والضغوط الدوليه لاننا اخترنا منذ بداية الانقاذ طريق الحرب …والاّن ماهو المخرج من هذا الماّذق ،؟ نريد ان نخرج من هذه الهوة السحيقة فهل من منقذ غير الانقاذ؟
الأنسان العاقل يجنح دائما للسلم ،اما الذى يجنح للحرب فهو غير عاقل خصوصا فى موضوع السودان وجنوب السودان
الذين يدقون طبول الحرب بين الشمال والجنوب هم معاقين نفسيا ربنا يشفيهم،بعدين نذكر الجميع بأستقلال
السودان نفسه من دولتى مصر وبريطانيا والان يستفيد السودانيين من الأتفاقيه الموقعه مع مصر (الحريات
الأربعه وهى التنقل والأقامه والعمل والتملك )
أكثر من المصريين ،فالماذا لم يزعل المصريين وقالوا السودانيين أختاروا الأستقلال لا تعطوهم أى مزايا
فى مصر ،نعطيكم مثال تانى طبعا قرأتم فى التاريخ القريب عن الحرب العالميه الثانيه بين المانيا
وحليفتاها ايطاليا واليابان ضد كل دول أوربا الغربيه بما فيها روسيا وأنضمت أمريكا مؤخرا التى قلبت
ميزان المعركة لصالح الحلفاء كان ذلك فى عام 1945م ،بالله عليكم انظروا لهذه الدول الان وكيف اصبحت
علاقاتها ،تعاون وصداقات واتحاد اوربى ومجموعة الثمانيه الصناعيه وحدود مفتوحه لمواطنيها ورفاهية
الاخوان في الجنوب اهم سبب دعاهم للانفصال هو فقدان اهم شئ وهو حب الانسان لاخيه الانسان
طيب كان من الأول توافق على الهدنة
ركبت منصة مسجد النور بتاع أموال الحرام وعملت فيها 7 بقرش
أما إنك راجل أهبل يا عمر البشير
الخال الرئاسي فالتعلم بأن أرواح جميع الذين فقدوا في هذه الحرب معلقة في رقبتك
لعنك الله أينما حللت
يا غراب الشؤم