ندما سفينا التراب
ندما سفينا التراب
الشعـب مشحون بالغضب
من الكلام في البرلمان ملينا تب
والساقية بتدور تكب المويه
في الأرض الحدب
كنا منتظرين خلاص من اللكان
وملينا رنان الخطب
وجيتنا وريتنا العجب
وندما سفينا التراب
ــــــــــــــــــــــــــــ
يا قاتل الشعب أنصرف
أتركنا في حالنا وأقيف
بالكيله والمد والحرف
نقـــــدر نعيــــــــــش
ــــــــــــــــــــــــــــ
قفلنا بابنا من الضيوف
والعلاج أصبح ترف
بالليل سهر ونهار عذاب
عشان نجيب حق الرغيف
أهو الخراب أهو الحصل
وندما سفينـــا التـــراب
ــــــــــــــــــــــــــــ
ود مدني باكية تنتحــــب
والفاتحه مشروع الجزيــزة
الحواشه بارت من زمــــن
لا خط حديد لا قناطر لا ترع
باعوا المحطة والمكاتب والبيوت
يا قاتل الشعب أنصـــــــــــرف
أتركنــا في حالنــــا وأقيـــــــف
ما ندمــــا سفيــــنا التــــــراب
(المتشرد)
