الصحف العربية : ما دامت العملية (صغيرة).. لماذا لم يجرها البشير (أبو ريشة) في السودان؟!

بالله كدي أسالوه لينا لأننا ممنوعين عن الحديث عن صحة. احتمال الفكي عندكم قوي

قالوا شالوا عينة من حلقومو ورسلوها المانيا لفححصها
بس الاجدى كان يشيلوا حلقوموا كلو ويريحونا

نسأل الله العفو والعافية والمعافاة في الدين والدنيا

عملية صغيرة قال ، دى على منو ، ماذال الكيزان يصرون على التعامل مع الشعب السودانى بعقولهم الصغيرة والتى لم ولن تستوعب مجريات واحوال الاوضاع والمنعطفات الحرجة التى وضعوا السودان فيها ، هذة العملية ليست صغيرة كما ذكر ذلك الببغاء الذى ادلى بهذا البيان والكل اصبح يعلم ما اصاب هذا الطاغية من داء عضال ، لن نشمت فى المرض فهو قدر على الانسان ولكن نتوقف عند مسلسل الكذب المستمر ونتوقف عند مافعله هذا الطاغية فى السودان وفى شعبه ونسال الكريم ان يريحنا منه ومن عصبته وشرزمته المحيطة به اليوم قبل الغد وان يخسف بهم الارض اليوم قبل الغد

اللهم لا شماتة ..

الزول حلقوا التهب لأنوا قال شعب جنوب السودان حشرات ومش حيبقي كويس الا يعتذر ( والله يكضب الشينة )

إن أتلجن حلقومه وأصبح يتعامل بحركة اشارة فلذلك دللالات عدة منها :-
أولا إن الله قد إستجاب لدعاء المظلومين .
وثانياً فيها رسالة عظة لبقية العصابة بأن الإنتقام سيأتي مهما تقادم عهده .
وثالثاً إرتاح الشعب السوداني من جعير الكذب المخجل .

صدقتم والله بينما جل شعبه لا يجد ثمن حقنة أو دواء يبرطع هذا الفاسد بأموال الشعب الغلبان

و حلقوم نافع فى الطريق .. على الاقل يتعلم لغة الاشارة و يلحس كوعو ..

عايزين اولادنا يجوا ما يلاقوك و لا يلاقوا ناسك …. اللهم اجزهم بجنس اعمالهم

كل واحد يعمل حسابو على لقالييقو .

هل صحيحاان البشير تعرض لحالة تسمم في اثيوبيا؟؟؟؟؟؟؟؟؟؟؟؟؟؟

مسكين يا بشة..حلقك راح في عنبر الجراح ! عقبال الشلاليف والاضنين…رويسك الماكن دا محجوز للجبهة الثورية…حيكون باســــم ظـــااااااابــط !

ياربي ممكن محكمة العدل الدوليه تقبض علي العينه,

+++ يعنى عايزين الريس يعمل العملية فى الخرطوم …مامون حميدة بيقول كل المستشفيات اللى فى الخرطوم التابعة للحكومة لن تقوم لها قائمة ولو صرفت عليها كل أموال النفط والذهب….والمستشفيات الخاصة المخدر منتهى الصلاحية…والأخصائيين يشتمو بعض والمرضى قافلين شوارع الخرطوم والفضائيات تنقل …عرب وعجم…مامون زعزع ثقة الريس فى كل أطباء السودان وخاصة الاختصاصيين…بعدين فبل فترة المسئول الأول عن الايدز فى السودان سمعناهو بيقول أن الخرطوم فيها أعلى نسبة ايدز بين كل ولايات السودان …وعملية فى الحلق للريس فى حلقه معناها نقل الفيروس لحلق الريس من أى مريض سابق عملو ليهو عملية بنفس المعدات فى حلقو حتى ولو كان فحصه سلبى نقصد فحص المريض وليس الرئيس لأنو ممكن يكون فى مرحلة مبكرة ..وطريقة فحص الايدز فى السودان تعتمد على فحص الأجسام المضادة اللى بتاخد وقت بعد الاصابة حتى يصير الفحص ايجابى…فى الغرب للشخصيات المهمة والقادرة على دفع الفاتورة يتم فحص الأنتجين وده بيديك نتيجة ايجابية فى يوم او 3 أيام حسب نوع الفحص…انتو خليكم هناك اتغالطو فى الكوندوم يتباع فى الصيدليات واللا لا..يصرفو للجانعات وللا لا..والحمى الصفراء تقرض فى ناس دارفور وحسب تقرير منظمة الصحة العالمية اليوم..ارتفعت ال mortality rateمن 34% فى آخر اكتوبر الى 50%حتى أمس…والمنظمات ماقادرة وما عايزة تجى لأنو لمن اتصلنا بيهم قالو الحكومة السودانية فى 2009 طردت 12 منظمة طوعية من دارفور عقب القرار الأصدرته محكمة الجنايات الدولية فى حق البشير!!ووزير الصحة الاتحادى يقول ان كثير من الجهات الصحية العالمية تعترض طريقه لمحاولة الحصول على اللقاح…والشركات دية ملتزمة بالمقاطعة بتاعت الاتحاد الاوروبى وأمريكا..واللقاح بتاع الحمى الصفراء ليس كلقاح شلل الأطفال أو الحصبة يمكن الحصول عليه بسهولة فهو متوفر فقط لدى مراكز قليلة أغلبها فى أمريكا وبريطانيا…ونحنا قبل شهر مهاجمين السفارة الأمريكية والبريطانية..وقبل 3 أيام حارقين بيت السفير البريطانى وسارقنو ..ووالى الخرطوم بعد الهجوم الأول على سفارة ألمانيا أكد ان حماية البعثات الدبلوماسية هى فى قمة اهتماماته…والانتباهة تكتب قبل اسبوع:كرتى يلقن الخارجية الأمريكية درسا..ده العنوان الرئيسى بتاع الجريدة..والموضوع انو اتصل موظف من الخارجية الأمريكية بعلى كرتى وطالبو بتشديد الحماية على البعثة الأمريكية وسفارتها وغيرها من سفارات الاتحاد الأوربى بعد محاولات الاعتداء المتكررة…فكان رد كرتى…انت جاى تعلمنى شغلى وقام كرتى باغلاق الخط…والوالى بتاع الخرطوم برضو يقول ليك مافى زول بورينا شغلنا ونحنا ماتنابلة يقودنا زول واحد..(يقصد مامون حميدة)…!!أها ورونا شغلكم العارفنو ياشطار …العالم قرية وراسكم القوى ده حيكسرو ليكم من لم يمت بالجوع..مات بالحمى الصفراء أو الحصبة..أو الانتحار …والناس السبب فى كل ده همهم الأساسى اليومين ديل منو يقعد فى كرسى منو…خمو وصرو..لافايدة فى حزب..لا فايدة فى حركة..لافايدة فى حكومة..وات أيها الشعب الفضل أعانك الله…الوزير الاتحادى أرسل عينات من المرضى الى المختبر القومى بالخرطوم ورغم انو النتيخة ايجابية…ولأنو مامون حميدة شككو حتى فى الفحوصات البعملها المعمل القومى..اضطر الوزير الاتحادى يرسل عينات من دم المرضى الى مختبر مرجعى فى داكار عاصمة السنغال…ومع انو النتيجة ح تجى بسرعة..ولأنو اليوم بكون عندكم الأربعاء فى السودان والنتيجة يمكن تترسل بكرة المساء بفاكس مستعجل…لكن يوم الخميس الموظفين بيطلعو بدرى لأنو فى أزمة مواصلات شديدة..يصل الفاكس لمكتب الوزير يوم الخميس المساء ..مافى موظفين..الجمعة والسبت عندكم اجازة ..ويوم الأحد اجازة لاستقبال الريس وسلامته بعد رجوعو من السعودية..الفاكس يتقرى يوم الاتنين…وقتها يكون عدد الاصابات وصل رقمعالى..اذا فى يومين بس فى وسط دارفور وحسب تقرير منظمة الصحة العالمية ارتفعت الاصابات بنسبة250% فى محلية اسمها مكتوب بلانجليزى وترجمتو حاجة زى (نارتيتى)…وبعد نتيجة فحص داكار ولو الجماعة حنو علينا ووافقو يدونا المصل للسودان لأسباب انسانية بحتة..المصل عشان يتصرف ويصل السودان الاجراءات حتاخد 20 يوم..ولايمكن اعطاء اللقاح الا اذا طلعت نتيجة ايجابية من مركز عالمى مرجعى معترف به زى بتاع الدنمارك..لأنو الخواجات ماعندهم الأمراض دى ..والحمى الصفراء موجودة فقط فى أفريقيا جنوب الصحراء وأمريكا الجنوبية..لطفك يارب…العالم عايز سياسة وعلم مش عضلات ومظاهرات وحرق اعلام..أو مولانا اللى ضحكنا من كلامو وهو خطيب الجامع الكبير فى الخرطوم القال (ساندى) ..يقصد اعصار ساندى الضرب الساحل الشرقى الأمريكى..مولانا ده قال ساندى جند من جنود الله وأرسله الله الى أمريكا انتقاما لضربة اليرموك..ونقول ليهو يامولانا حرام عليك..ولايات نيو يورك ونيوجرسى ونرث كارولاينا فيها برضو مسلمين معانا من مختلف الجنسيات..بدل ماتواسى المسلمين أخوانا ديل فى بيوتكم الاتكسرت وكهربتم القاطعة ولو ما الدنيا صباح هنا ماكنا كتبنا الكلمتين ديل لأنو الكهرباء عندنا قاطعة…غفر الله لك ..نحن السودانيين حنتحمل كلامك وما حنقولو للمسلمين غير السودانيين هنا..لأنو هنا كلامنا كلو محبة فى الله..لاندعو بالدمار على أحد حتى الصهاينة نحسن معاملتهم عشان ندى صورة جميلة للاسلام اللى نحنا شايفنو بنظرة غير نظرتك..كان الله فى العون..أقوم استعمل البخاخ بتاع الذبحة لأنو صدرى بدا يوجعنى..والسلام

اللهم اشفه وخذ بيده
بس لو صح الخبر المفروض مهما كان صغر العمليه يفسح المجال لغيرو

علي بالطلاق … وعلي بالطلاق …… مافي اي طلاق حصل بل زواج في زواج وهجيج في هجليج وطرب ورقيص وسط القرمصيص …… والنتيجة قطع الحبال الصوتية وحرق اللمبات الصوتية وفحوصات وآخذ وإرسال عينات اللهم لا شماتة…….. يا رب أصلح حال البلاد وأهدي العباد ……..

بشة إتلحس وحرق لمبات صوت …. تاني البحلف لينا بالطلاق منو وتاني البغني وبرقص لينا منو ….. بش بش حتى في اسماء في حياتنا عمر الجزلي ما ح يقدر يستضيفه لانه عمك بعد دا يشتغل بالآشارة بس