أحمد حسن الرهيد أصغر مذيع أخبار في السودان
قدّم تلفزيون السودان للمشاهدين داخل وخارج البلاد وجهاً تلفزيونياً جديداً في اطار اتاحة الفرص للاجيال الجديدة وربط الماضي بالحاضر والمستقبل واطل عبر الشاشة البلورية على الهواء مباشرة امس الشاب احمد حسن الرهيد ليقدم في تجربة تعد الاولى من نوعها نشرة الاخبار السياسية ووجد المذيع الصغير في العمر والكبير بمقدراته العالية الاشادة والقبول والرضا من جمهور المشاهدين والعاملين بالتلفزيون وتوقع مختصون في مجال الاعلام منافسته للكبار والوصول سريعا الى القمة لتميزه بالثقة والحضور والاطلالة المريحة وقوة وجمال ووضوح الصوت واجادته للتقطيع الاذاعي ومعرفته لاسماء الشخصيات والمناطق واجادته اللغة العربية تحدثًا وقراءةً.
المذيع الشاب احمد حسن الرهيد من مواليد القطينة عام 1993 درس الاساس في مدرسة على بن ابي طالب بالقطينة والثانوي في مدرستي حاج الحسن الخاصة بالقطينة والملك فهد الخاصة بام درمان والتحق في الإجازات الصيفية بخلاوى المرحوم حسن أحمد موسى بالقطينة و مسجد أبوبكر الصديق مما أكسبته معرفة بالتجويد وإجادة مخارج الحروف ويدرس الآن في المستوى الثاني بكلية هندسة المساحة بجامعة السودان للعلوم والتكنولوجيا .
ظهرت مواهب المذيع الشاب أحمد حسن الرهيد الادبية والابداعية مبكرا ونال المركز الاول والميدالية الذهبية في الدورة المدرسية القومية رقم (20) بدنقلا في مجال التقديم الاذاعي وفاز بالمركز الثاني والميدالية الفضية في نفس المنافسة في مجال المكتبة والاطلاع ثم التحق قبل عام ونصف باذاعة طيبة وعمل متعاونا وقدم برنامج (انفاس الصباح) والتحق قبل سنة بقناة طيبة الفضائية وقدم برنامج (فكر واربح) وشارك في تقديم برنامج (ليالي طيبة) وتقديم الفترات المفتوحة في الاعياد وقال الرهيد ان الأسرة لها دور كبير في هذا النجاح و شكر كل من وقف بجانبه من الاستاذة وزملاء المهنة.
خضع احمد حسن الرهيد لعدد من الدورات التدريبية في مجال تحرير الاخبار والتقديم التلفزيوني وعلم الاصوات والموسيقى التقليدية ونال تدريبات نظرية مع فريق برنامج بيتنا بالتلفزيون القومي ودورة متقدمة بادارة الاخبار والشؤون السياسية بالتلفزيون تحت اشراف كبير المذيعين الاستاذ ياسر عبد الماجد .
التحق احمد حسن الرهيد بتلفزيون السودان رسميا في ديسمبر 2012 لتقديم نشرات الاخبار الرياضية والسياسية المباشرة وكان اول ظهور له على الهواء مباشرة امس الاول في نشرة اخبار العاشرة صباحا .
الصحافة
موفق إن شاء الله
ان شاء الله يذيع البيان الاول للانقلاب القادم بعد اغتيال المتأسلمون كذبا وبهتانا
واسطات؟؟؟؟؟؟؟؟؟؟؟؟؟؟؟
يعني الحكومة تفتح 30 كلية اعلام متخصصة وتخرج آلاف الطلاب في مجال الاعلام عشان كل ما يظهر مذيع جديد اقول درس تجارة او اقتصاد او دايات والاخ دا بدرس هندسة وهلما جرا ( بغض النظر عن الامكانيات ونحن لسة ما سمعناه لكن ريحة الواسطة والمحسوبية فايحة )
لكن عادي في بلد رئيسها عسكري ورئيس نقابة عمالها طبيب
نار قصب
والي الامام قدما
التلفزيون يحتاج حقيقة الي وجوه جديدة من الشباب القادرين علي اداء الدور
هل يوجد مقدم برامج في كل فضائيات السودان يرقى لمستوى الفخر به؟
اعطوه فرصة عسى و لعل يجد تدريب خارج البلد الدربت الموجودين حاليا.
ده لو ناس عمر الجزلى خلو يستمتر!! اصلو تلفزيون السودان اصبح حكر لشخصيات معينة اكل عليها الدهر وشرب. مثال عمر الجزلى مثلا مرت على السودان مليون حكومة وهو ماذال يطبل لكل رئيس يحكم وليس له اى جديد يقدمة خلاف ان يأتى بالكابلى فى كل حين واخر وطبعا مع الوضع فى الاعتبار صلة النسب, او يقدم برنامج اسماء فى حياتنا عشان يقاطع الضيوف وهم بتكلموا
اتوقع انو الشاب ده م ح يستمر لانو بعد شويه الحساده بتكتر من من عصابه التلفزون وح يزهج وشوف ليهو قناه تانيه وده الحاصل مع كل المواهب السودانيه يا مشى قناه بره السودان لان بصراحه التلفزيون القومى والاذاعه م عندهم اى تقيم للفرد والمواهب انا بنصحو فى الفرصه الصعبه دى يكثف الخبره بتاعتو واتخارج ده بئه تماسيح.
معقول الحكم عليه من خلال نشرة وحيدة… اصبروا عليه شوية!
عليى الطلاق عمر الجزلى كرهنا التلفزيون ?
اولاد الهامش ديل ما عندهم فرصه في التلفزيون ناس(ادروب ،ابكر ،كوه)
ربنا يوفقه ونتمنى ليه الخير!
مبدع إستمعت له في إذاعة وقناة طيبة أتمني له التوفيق
والله يا…………… حسي ده اصغر مذيع انتو كان كده مابتعرفوا الاصغر والاكبر
لا تعتبروني من اعداء النجاح السؤال كيف حصل علي تلك الوظيفة ومعلوم كيف يتم اختيار الحمير من ممربط الحمير مبروك علية واتمني ان لا يكون منهم واصبحت الوظائف للجميع بون واسطة وتزكية وغيره من زوات الاظلاف
حليل الباع عنقريبوا وقام بليلو