احتياطات السلامة للكنداكات المشاركات في مسيرة بحري الشعبية

سلامات
#وصيةكنداكة لاخواتها
لكل البنات الماشيين للمسيره
1- ألبسي قطن و اكمام طويله بحيث انو جسمي كلو يكون مغطى (عشان البمبان) و ياريت يكون شي مريح وتكوني مرتاحه فيهو و جزمه مريحه
2- شيلي شنطه صغيره فيها كمامتين ( الاتنين بي تلاته جنيه من اقرب صيدليه ) وحده خليها ناشفه و وحده ارميها في كيس و كبي عليهو خل و لفيها كويس وارميها في الشنطه و جيبي قارورة بيبسي صغيره و لو عندكم بخاخ ازمه في البيت جيبيو ما معروف تلاقي منو محتاج لي جره اكسجين وحده لو عندكم تلفون ريبيكا في البيت ختي فيو شريحتك و جيبي معاك لو بتعومي او عندكم نضارة سباحه في البيت ما تتخيلي حتفيدك كيف مع البمبان اي شي تاني ما حتحتاجيو وحيتقل عليك ساي
3- اول ما تقيفي في المسيره امسحي المكان بعيونك و حددي مخرجين تزوغي بيهم لو كانت لازم اتنين عشان يكون في خطه بديل
4 – ما تتقييدي بأي زول في المظاهره
5 – لو فكو بمبان ما تتخلعي و يجيك هلع دا ما رصاص دا البمبان صوتو كدا اول ما تشوفي الدخان طلعي كمامتك المبلوله و اتنفسي من خلالها
6 – الناس تحاول تثبت ما تجري الا في الشديد القوي احنا ما عاملين غلط عشان نجري
7 – قبل ما تطلعي من البيت لازم زول واحد ع الاقل يكون عارف انتي وين و خط سير المسيره ولو الاتصال اتفقد يعرف يتصرف
8 – لو لا قدر الله اترفعتي انتي زاتك ما تجيك panic attack خليك رايقه و اعرفي انك ع حق واننا اقوى منهم

بتمنى انو البوست ما يقلق الناس الاول مره تطلع بس احتياطات سلامه ، و ما اي زول بطلع بترفع امنى كويس بس
نتلاقى بكره