مالك يا نيل
تغدر بليل
وتشيل زهور الضفة
والورد الجميل
وتغرِّق الناس
والأصائل والخميل
وتضيف على حزن البلد
حزنن وبيل
يا الكنت فينا شفا ودوا
وصبح دواكا المستحيل
ما نحن غنيناك
سيرات بالعديل
وشلنا الجريد في يوم فرح
وكتبنا اسمك
للفراديس ديك سليل
كيف يعني يتحول
حنانك يوم عويل
وكيفن بسيماتك
تحولا موت وويل؟
2
يا نيلنا اتذكر
كتبنا الكان قبيل
يوم كنا تقراك ايها النيل
سلاما يا جميل
ما جرى في الارض
ماء سلسبيل
لمن زرعناك في
الحدائق بالشتول
لمن نزلنا نعوم
وكان موجك دليل
وخرشنا طنبور
للطيور البيضا
موجك كان يجاوبنا ويشيل
كيقن تبدل روعتك بي هجمتك
وتهون عليك الضفة
والشطآن عديل؟
وكبفن تهون ألحان مراكبنا
اللي كانت فيك تجول
وكيفن يهون النخل ما امهلتو
كان عرجونو مليان بالعسل
شايل يميل
ليه تمسح الذكرى
الصدح بيها الخليل
يا عازة قومي كفاكي
من نومن طويل
تغمر دروب الذكريات
يا نيلنا
بى وجعن طويل؟
3
على كل حال
أقعد مع سحب
الخريف وصيها تقبل بالحلول
وتأجل الخير العميم
من رب جليل
وقع معاها عقود صفا
حفظا لماضينا الجميل
خلي الشويفعات يلعبن
في نسمك الصافي العليل
خلي الوليدات يجروا فوق رملك
وسامح يا أصيل.
د. عبدالرحيم عبدالحليم محمد
[email protected]
وداع النيــــل أم النبل؟