النيل الأبيض: الراكوبة
شكا مواطنو ولاية النيل الأبيض من الارتفاع الكبير في رسوم استخراج الأوراق الثبوتية، حيث ارتفعت رسوم استخراج الرقم الوطني بدل فاقد إلى 100 ألف جنيه سوداني، بدلاً عن 32 ألف جنيه، واصفين الزيادة بأنها «كبيرة جداً» وفوق طاقة المواطن.
وقال مواطنون تحدثوا لـ”الراكوبة” إن المواطن لم يعد يستطيع تحمّل هذه الرسوم، خاصة الفئات التي تعتمد على رزق «اليوم باليوم»، مشيرين إلى أنهم يدفعون 89 ألف جنيه سوداني للإيصال، و12 ألف جنيه سوداني للبلاغ في حال استخراج رقم وطني بدل فاقد. وأضافوا أن رسوم استخراج شهادة الميلاد ارتفعت إلى 60 ألف جنيه بدلاً عن 30 ألف جنيه في السابق للأطفال.
وفي السياق، أكد مصدر عسكري وجود زيادة في رسوم استخراج الأوراق الثبوتية، موضحاً أن رسوم استخراج الرقم الوطني الجديد ارتفعت من 32 ألفاً إلى 44 ألف جنيه سوداني، بينما ارتفعت رسوم استخراج الرقم الوطني بدل فاقد إلى 89 ألف جنيه، ومع إضافة رسوم التصوير تصبح 94 ألف جنيه.
وأضاف المصدر أن رسوم استخراج الرقم الوطني المعدل بلغت 104 آلاف جنيه سوداني، فيما ارتفعت رسوم شهادة الميلاد من 57 ألفاً إلى 89 ألف جنيه سوداني.
مفروض ناس الرعايه الاجتماعيه تعمل بطاقات لكل افراد الاسر في السودان الفقراء حسب الحاله الاجتماعيه حقتهم بس بعيد عن الناس المستغلة وعاوزه تسف والحكومه تقوم تغير الاسعار حسب الحاله ناس تدفع المطلوب وناس تدفع اقل من المطلوب حسب حالتها ولكن صدقوني حتي في امريكا ذاتها مش في فقراء وماعندهم الحته ولكن لماتجي في الاوراق كل واحد بتساوي والكل لازم يدفع عندك ماعندك لازم تدفع لازم تشوف طريقه تجيب بيها القروش دي ولكن طبعا ياجماعه في اشياء ضروري وفي اشياء غير مهم ولكن يبدوا شعب السودان كلو كلو ماعدا قليل اي زول ركب مشي مصر وخرج من السودان دا ايام الحرب يعتبر غني او عندوا من يعولهم كان في زول بيصدق انو ٩٩ ٪ من شعب السودان يرحل ويلقي قروش يسافر بيها ويعيش بيها طبعا كتر خير المغتربين وجزءاهم الله خير الجزاء واكيد اي اسره عندها واحد او اتنين او اكثر مغترب سوي ولد او بنت الله يخليهم ويحفظهم ديل هم الذين رافعين اقتصاد السودان والحكومه مفروض تهتم بيهم قوي
انت أمنجي و سويتها واضحة
زول بيقارن السودان بأمريكا في المال و الاقتصاد اما يكون مجنون أو من أيتام صلاح قوش .
أي زول مرق من السودان في فترة الحرب دي مرق لأن الدولة ما وفرت له عمل يتحصل منه على لقمة العيش و لا وفرت له أمن من لقذائف الطائشة و انت جايي تقول لي لان عنده قروش
بعدين انت برهان بتاعك كل يومين جاري لي مصر و ما قادر يقول للمصريين ليه مانعين تاشيركم من مواطنينا
هههههه وههههههه اامنجي في عينك وبعدين امريكا دي شنو امريكا دي فقط اسم بدون وزن العوائل المشرده في امريكا اكثر من مليون يعيشون في الشوارع الواحد في امريكا عيشتو اكعب من السودان يعيش زرق اليوم بي اليوم واحتمال لغايه اخر الشهر قروشو تنقص وماتكمل الشهر ولايغرك الاسم والمغتربين في امريكا عملوا شنو في السودان بيوت لالا ولاشي اما السودان دوله غنيه الواحد فيهم بشتري اخر مودل آي فون ويهدي لزول وناس امريكا لايستطيعوا يشتروا لنفسهم لانو غالي والناس في السودان تعاليم الجامعه والطب والهندسه مجاااان او بي قروش رمزيه اما امريكا الطالب الناجح لايستطيع يدخل جامعه او كليه خليك من الطب حتي لو قفل المجموع كلوا لايستطيع الدخول مجاااان امريكا أسوء بلد للعيش فيه لازم تكون غني عشان تمشي امريكا تعيش هناك وتصرف العندك كلوا ولكن السودان اغني من امريكا مليون مره مره بلا امريكا بلا زفت الطين
نسيت اقول ليك الناس في السودان في المناسبات ترش القروش دي رش للفنان تقوم تقول امريكا السودانيين اغني من الامريكان عاوزين زول يعمل دراسه مستوي المعيشيه للسوداني في امريكا والسودان مقارنه عشان نشوف البسوا السودانيين في السودان دا اسمو شنو بذخ لا والعفش والعده والذهب ووووماتحرق لينا دمنااا باللله عليك