السودان.. العائدون إلى الخرطوم يفرون منها مجددا

الاخ Mohd يا أخى الحقيقة هى الحقيقة، أنا رجعت من مصر للبيت في شرق النيل مع الأسرة، اسبوع اصيبنا بحمى الضنك، الأكل والماء النظيف والكهرباء كلها معدومه والأهم من دا كله الأمن لايوجد أمن، صعاليك لابسين لبس جيش يقولوا ليك مستنفرين وهم شفشافة، عسكرى الجيش يشفشفك عادى خاصة التلفونات، لايوجد أمن وأنا بنصح أى أسرة ماتجيء لأن هذه مجازفة بحياتهم، يا سيد محمد هو لو في أمان مايرجع البرهان وحكومته من بورتسودان وبعدين والى الخرطوم المزعوم دا زول افاك، الزول قاعد براه أولاده بره السودان والحرس معه حتى لو ذاهب إلى الحمام، عشان كده أنت حاجة ما متأكد منها ماتتكلم لمجرد إنك تناصر حزب المؤتمر الوطني، هذه حياة بشر ليس فيها تدليس ولكن الوضع بكل أمانة عشرين سنة بهذه الطريقة التي يتبعها البرهان وجماعته والوالى في غش الناس للعودة لن يعود احد ومن يعود خلال فترة وجيزة سيرجع مرة أخرى حيث كان، للأسف المسؤوليين كلهم من البرهان وكامل ادريس وكباشي وياسر العطا وابراهيم جابر كلهم كذابين والله أمة قادتها كذابين لن ينصلح حالها، لذلك أى زول بقرأ هذا الكلآم خليك محل ما قاعد حتى لو بتأكل تراب افضل من تجىء وتأكل زفت، هؤلاء المسؤوليين غير مسؤولين، الله يكون في عون السودان وشعب السودان، وقسما هذه حرب الإهانة بجدارة للشعب السوداني، ويقولوا ليك حرب الكرامة ولو فتحت خشمك بكلام غير ما يريده الكيزان طوالى أنت متعاون مع الدعم السريع والله يا جماعة هنالك رعب ما طبيعى في حكاية متعاون دى، علي كل البلد خربت وإلى الأبد وأى زول بقول غير كده مدلس وكذاب وأرجو من الأخ المدعو Mohd ان ترد على وتقول لى كلامك دا كذب، لأنك أنت ما قاعد في الخرطوم، لو قاعد في الخرطوم مابتقول بتجيبوا الكلام دا من وين، وبعدين أنت مسؤول أمام الله مما تقول، أنا ماعارف ليه السودانيين ديل بقوا زى دا حسبنا الله ونعم الوكيل.

الخرطوم غير مؤهلة لعودة المواطنين عشان مافي اسرة تتورط وتعود للخرطوم اعتمادا على ما يتداوله الناس في الميديا من اخبار اغلبها غير صحبح او يختلف نظرة و تقدير سوء الوضع للناس حسب وضعها المادي وحسب ظروفها الاسرية و كل من لديه امكانيات وعاد لمنزله شاف بي عينيه حقيقة مرة وتختلف عن ما يتداوله الناس من ان الحياة عادت او في طريقها لان تعود فاصابه الاحباط والياس وعاد من جديد لمكان كان قاعد وعايش مع اسرته طوال ٣ سنوات سواء داخل او خارج السودان و الموجودين حاليا في الخرطوم ناس مجبورين يقعدوا لانهم ناس فقراء لايملكون اي خيار سوى التواجد ببيوتهم رغم سوء الاوضاع فلا ما يمكنهم وضعهم المادي من تحمل دفع تكاليف الايجار والمعيشة الغالية جدا او السفر خارج السودان والعيش هناك وده محتاج تكاليف اكبر من طاقة هؤلاء والاهم لايوحد لديهم من المغتربين من يتحملهم وهو مجبور عليهم بعدين الامراض دي مصيبة كبيرة وانعدام الامن معضلة بالذات لمن لديه اطفال ونساء وفتيات صغار فدعوا عنكم يا جماعة تشجيع احد للعودة للخرطوم ولا تتحملوا مسؤلية موت احد جراء الامراض او ان يتم التعدي عليه واسرته من العصابات التي جعلت الوضع جحيم ربنا يصلح الحال والناس تقدر ترجع بيوتها قريبا ودي برضو اشك فيها لان الاوضاع في غاية السوء والتردي طبعا انا ما عندي شغله بي انه كلامي ده يصب في مصلحة الجنجويد والقحاتة الماعايزين المواطن يعود لبيته وموظفين الامر ده من ناحية سياسية لكرههم للكيزان او كونهم من حواضن الجنجويد وكارهين الجلابة والشماليين الحق الزول يقوله ولو على نفسه لعنة الله على الجنجويد البيقصفوا بيوت المدنيين وكلما يسمعوا باي عودة كبيرة في اي حي او تواجد مواطنين بكمياتهكبيرة وانه المنطقة عمرانه يقوموا يتم قصفهم بالمسيرات حتى يهربوا من بيوتهم كما نهبوهم وسرقومهم وطردوهم من بيوتهم قبل سنتين ونصف